त्रिभुवन अन्तराष्ट्रिय विमानस्थलबाट सुनसहित बाराका एक जना पक्राउ
सिमराः त्रिभुवन अन्तराष्ट्रिय विमानस्थलबाट सुनसहित बाराका एक जना व्यक्ति पक्राउ परेका छन् ।जितपुर सिमरा उपमहानगरपालिका वडा नम्बर २४ घर भएका ४३ वर्षीय साहेव देवनलाई प्रहरीले पक्राउ गरेको हो ।
विमानस्थलबाट ५२ ग्राम सुनसहित बाराका साहेबसँगै तीन जना पक्राउ परेको प्रहरीले जनाएको छ । पक्राउ पर्नेहरूमा बाग्लुङ नगरपालिका–४ घर भएका ३६ वर्षीय शम्सेर विक, गुल्मी सत्यवती गाउँपालिका–२ घर भएका ३६ वर्षीय नुम बहादुर थापा मगर र बारा जितपुरसिमरा उपमहानगरपालिका–२४ घर भएका ४३ वर्षीय साहेव देवन रहेका छन् ।
हिमालयन एयरलाईन्सको उडानद्वारा नेपाल आएका शम्सेर र नुम बहादुरलाई जनही ९/९ हजार रुपैयाँ सुन बोकाएको खुलेको छ । उक्त सुन विमानस्थल एरियााको पार्किङ क्षेत्रबाट साहेवले संकलन गर्ने गरेको प्रहरीको भनाइ छ ।
उनीहरूमाथि थप अनुसन्धान तथा कारवाहीका लागि त्रिभुवन विमानस्थल भन्सार कार्यालय गौचरनमा पठाइएको प्रहरीले जनाएको छ ।
