सिद्धार्थ बैंकद्धारा बारा प्रहरीलाई सिसिटिभी क्यामरा हस्तान्तरण
कलैयाः सिद्धार्थ बैंक लिमिडेटको कलैया शाखाले जिल्ला प्रहरी कार्यालय बारालाई दुई थान सिसिभिटी क्यामरा हस्तान्तरण गरेको छ । बैंकका शाखा प्रवन्धक मनमोहन लाल साहले बाराका प्रहरी उपरीक्षक महेन्द्र खड्कालाई क्यामरा हस्तान्तरण गरेका हुन् ।
सामाजिक उत्तरदायित्व अन्तर्गत सुरक्षा प्रयोजनका लागि बैंकले क्यामरा हस्तान्तरण गरेको हो । कलैयाको सुरक्षा व्यवस्थामा सहयोग पुर्याउन क्यामरा हस्तान्तरण गरिएको शाखा प्रवन्धक साहले बताए ।
क्यामरा हस्तान्तरण कार्यक्रममा प्रहरी नायब उपरीक्षक दधिराम न्यौपाने, प्रहरी निरीक्षक राजेश खत्री, बैंकका कर्मचारी सिद्धार्थ पोद्दारलगायत सहभागी थिए ।
