मधेस लोकसेवा आयोगको अध्यक्षमा डा. यादव नियुक्त
![](https://i0.wp.com/www.eshilalekh.com/wp-content/uploads/2024/07/Dr.-Yadav.jpg?fit=840%2C538&quality=95&strip=all&ssl=1)
सिमरा: मधेश प्रदेश लोकसेवा आयोगको अध्यक्षमा डा. शिवराम यादव नियुक्त भएका छन् । प्रदेश मन्त्रिपरिषद्को बैठकले यादवलाई आयोगको अध्यक्षमा नियुक्त गरेको मुख्यमन्त्री तथा मन्त्रिपरिषद्को सचिवालयले जनाएको छ ।
प्रदेश प्रमुख सुमित्रा भण्डारीले आज उनलाई आयोगको अध्यक्षमा नियुक्त गरेकी हुन् । नियुक्त भएसँगै आजै यादवले पद तथा गोपनीयताको शपथ ग्रहण गरेका छन् । आज नवनियुक्त अध्यक्ष डा. यादवलाई प्रदेश प्रमुख भण्डारीले शपथ ग्रहण गराएकी हुन् ।
५७ वर्षीय यादव सिरहा जिल्लाको सिरहा नगरपालिका वडा नम्बर १३ गम्हरिया निवासी हुन् । उनले मेकानिकल इन्जिनियरिङ् विषयमा विधावारिधि गरेका छन् । विगत पाँच महिनादेखि लोकसेवा आयोगमा पदाधिकारीविहीन हुँदा कर्मचारी भर्ना, तालिका प्रकाशन, परीक्षा सञ्चालन, अन्तर्वार्ता तथा छनाेट प्रक्रिया अवरुद्ध भएको थियो ।