शिवालयको भौतिक संचरना सुधार गर्न शिव महापुराण महायज्ञ
सिमराः जीतपुरसिमरा उपमहानगरपालिका २ नरबस्तीस्थित पञ्चेश्वर शिवालयमा मंगलबारदेखि शिव महापुराण ज्ञान महायज्ञ सुरु भएको छ । मन्दिरको भौतिक संरचना निर्माणार्थ सहयोग जुटाउने उदेश्यले ११ दिने महायज्ञ सुरु भएको हो ।
महायज्ञको पूर्वमन्त्री एवम् बारा क्षेत्र नं. ४ का प्रतिनिधिसभा सदस्य कृष्णकुमार श्रेष्ठ (किसान) र जीतपुरसिमरा उपमहानगरपालिकाकाका नगर प्रमुख राजन पौडेलले उद्घाटन गरेका थिए ।
भदौ २ गतेसम्म आयोजना हुने महायज्ञमा युवा पण्डित नवराज अधिकारीले कथा वाचन गर्नेछन् । महायज्ञमा झाँकी तथा संगीतमय कथा वाचन हुने आयोजक समितिका संयोजक वीरेन्द्र बास्कोटाले जानकारी दिए । महायज्ञको उद्घाटन अघि शिवालयबाट कलशयात्रा निकालिएको थियो ।
