भाच्चिएर खसेको रुखको हाँगाले लागेर मोटरसाइकलमा सवार महिलाको मृत्यु
सिमराः निजगढको तामागढी–रतनपुर सडकखण्डमा मंगलबार दिउँसो भाच्चिएर खसेको रुखको हाँगाले लागेर मोटरसाइकलमा सवार एक महिलाको मृत्यु भएको छ । मृत्यु हुनेमा निजगढ ११ की २२ वर्षीया अस्मिता मोक्तान रहेकी छिन् ।
लालटोलदेखि रतनपुरतर्फ जाँदै गरेको प्र.२–०२–०१७प ९६३५ नम्बरको मोटरसाइकलमाथि निजगढ १० स्थित सडकमा हाँगा खसेको थियो । उक्त हांगाले लागेर मोटरसाइकलमा सवार सुमन बोम्जनकी श्रीमती अस्मिताको घटनास्थलमै मृत्यु भएको ईलाका प्रहरी कार्यालय निजगढले जनाएको छ ।
उक्त घटनामा मोटरसाइकलमा चालक १८ वर्षीय सन्देश बम्जन र २२ वर्षीया विनिता भ्लोन घाईते भएका छन् । तीन जना सवार उक्त मोटरसाइकलको बीचमा बसेकी अस्मिताको टाउकोमा हाँगाले लागेको थियो ।
