रौतहटमा धारिलो हतियार प्रहार गरी एक वृद्धको हत्या
सिमरा: रौतहटमा धारिलो हतियार प्रहार गरी एक वृद्धको हत्या भएको छ । गौर नगरपालिका ५ कोइरी टोलका ७४ वर्षीय अनिरुद्ध महतोको हत्या भएको हो ।
महतोको गरि हत्या गरिएको अवस्थामा शव बरामद भएको प्रहरीले जनाएको छ । महतोको शव बुधबार बिहान फेला परेको जिल्ला प्रहरी कार्यालय रौतहटका प्रहरी उपरीक्षक दिलिप घिमिरेले जानकारी दिए ।
घिमिरेका अनुसार महतोको शव घरभन्दा दुई सय मिटर टाढा धान खेतमा फेला परेको थियो । घटनाबारे थप अनुसन्धान भइरहेको प्रहरीले जनाएको छ ।
