कलैयामा टेम्पु र मोटरसाइकल ठोक्किदा एक जनाको मृत्यु, तीन जना घाइते
सिमराः कलैयामा गएराती मोटरसाइकल र टेम्पो एकआपसमा ठोक्किदा एक जनाको मृत्यु भएको छ भने तीन जना घाइते भएका छन् ।
कलैयाबाट धर्मनगर आउँदै गरेको ना ५४ प ४७४८ नम्बरको मोटरसाइकल विपरीत दिशाबाट जाँदै गरेको ना २ ह ५३७२ नम्बरको टेम्पोमा ठोक्किएको थियो ।
दुर्घटनामा परी मोटरसाइकल चालक कलैया उपमहानगरपालिका–१२ धर्मनगरका २४ वर्षीय रामाकान्त पटेलको मृत्यु भएको बाराका प्रहरी प्रवक्ता एवम् डिएसपी प्रकाश सापकोटाले जानकारी दिए ।
मोटरसाइकलमा सवार अन्य तीन जना समान्य घाइते भएका छन् । चार जना सवार भइ मोटरसाइकल चलाउदा दुर्घटना भएको सापकोटाले बताए । घटनाको सम्बन्धमा थप अनुसन्धान भरहेको जिल्ला प्रहरी कार्यालय बाराले जनाएको छ ।
