जन्मदिनको अवसरमा विद्यार्थी नेताले गरिन् विद्यार्थीलाई खेल पोशाक वितरण
सिमराः अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) की केन्द्रीय सदस्य लक्ष्मी तिमिल्सिनाले जन्मदिनको अवसरमा विद्यार्थीलाई खेल पोशाक र खेलकुद सामाग्री वितरण गरेकी छिन् ।
नेकपा एमाले जीतपुरसिमरा उपमहानगर कमिटी सदस्य समेत रहेकी तिमिल्सिनाले जीतपुरसिमरा ३ स्थित नेपाल राष्ट्रिय आधारभूत विद्यालयका विद्यार्थीलाई खेल पोशाक, फूटबल र भलिबल हस्तान्तरण गरेकी हुन् ।
तिमिल्सिनाले भलिबल खेलका लागि विद्यालयमा अध्ययनरत २५ जना छात्रालाई खेल पोशाकका साथै दुई थान भलिबल र दुई थान फूटबल हस्तान्तरण गरेकी थिईन् । उनले विद्यालयका प्रध्यानाध्यापक पर्शुराम श्रेष्ठ र छात्रछात्रालाई सामाग्री हस्तान्तरण गरेकी हुन् ।
जीतपुरसिमरा उपमहानगरपालिकाका नगर उपप्रमुख भोलाप्रसाद अधिकारीको प्रमुख आतिथ्यतामा सम्पन्न कार्यक्रममा नेकपा एमाले मधेस प्रदेश सचिव मनोज पौडेल, प्रेस चौतारी नेपाल बाराका अध्यक्ष दिवाकर भण्डारी, जीतपुरसिमरा ३ की कार्यबाहक वडाध्यक्ष माया विक, वडासदस्य चिनबहादुर पाख्रिन, अनितादेवी खत्री, नेपाल तेक्वान्दो संघ मधेस प्रदेश महासचिव राजकुमार लामा, प्रेस चौतारी नेपाल बाराकी उपाध्यक्ष निलिसा वर्मालगायतको उपस्थिती रहेको थियो ।
जन्मदिनकै अवसरमा तिमिल्सिनासहित सहभागीले विद्यालय परिषरमा वृक्षरोपण समेत गरेका थिए ।
