पासपोर्ट र भिसा नभएका बंगलादेशी नागरिक वीरगन्जबाट पक्राउ
सिमराः पासपोर्ट र भिसा नभएका एक बंगलादेशी नागरिकलाई पर्सा प्रहरीले पक्राउ गरेको छ । वीरगञ्ज महानगरपालिका १६ बसपार्कस्थित आर्यन होटल एण्ड लजबाट उनलाई पक्राउ गरिएको हो ।
पक्राउ पर्नेमा बंगलादेशको सिलेट होबीगंज होल्डिङ नम्बर ७७७ स्थायी ठेगाना बताउने २९ वर्षीय महमद सहादत हुसेन रहेका छन् । उनलाई होटलको कोठा नम्बर २०२ बाट पक्राउ गरिएको प्रहरी प्रवक्ता दीपक भारतीले जानकारी दिए । हुसेनलाई अध्यागमन कार्यालय वीरगञ्ज पर्सामा बुझाइएको छ ।
