बारा प्रहरीद्वारा लागूऔषध ब्राउन सुगरसहित दुइ जना पक्राउ
सिमराः बारा प्रहरीले लागूऔषध ब्राउन सुगरसहित दुइ जनालाई पक्राउ गरेको छ । विशेष सुचनाको आधारमा प्रहरीले बुधबार जीतपुरसिमरा उपमहानगरपालिका वडा नम्बर ७ स्थित बैदेही पेट्रोप पम्प अगाडीबाट ब्राउन सुगरसहित दुइजनालाइ पक्राउ गरेको हो ।
पक्राउ पर्नेमा वीरगन्ज महानगरपालिका–२१ का १८ वर्षीय साविर अन्सारी र सोही वडाका ५८ वर्षीय बिरेन्द्र प्रसाद साह रहेका छन् ।
बीरगन्जबाट जीतपुरतर्फ जाँदै गरेको ना २२ प ९९९४ नम्बरको मोटरसाइकल चेकजाँच गर्दा सवार उनीहरुको साथबाट लागु औषध ब्राउन सुगर फेला परेको प्रहरीले जनाएको छ ।
चाडपर्व लक्षित गर्दै प्रहरीले चलाएको जाँच अभियानका क्रममा ईलाका प्रहरी कार्यालय तथा लागू औषध नियन्त्रण ब्यूरो शाखा कार्यालय पर्साका संयुक्त प्रहरी टोलीले लागूऔषधसहित उनीहरुलाइ पक्राउ गरेको छ । पक्राउ परेकालाई आवश्यक अनुसन्धानका लागि इलाका प्रहरी कार्यालय सिमराको जिम्मा लगाइएको प्रहरीले जानकारी दिएको छ ।
