बारामा करेन्ट लागेर एक जनाको मृत्यु
सिमराः कलैयामा करेन्ट लागेर एक जनाको मृत्यु भएको छ । मृत्यु हुनेमा ५५ वर्षिय रघुनाथ साह कानु रहेका छन् ।
बुधबार दिउँसो करिब १ बजेको समयमा कलैया उपमहानगरपालिका वडा नं २३ भतौडा निवासी साहको करेन्ट लागेर मृत्यु भएको जिल्ला प्रहरी कार्यालय बाराका प्रवक्ता प्रहरी नायव उपरिक्षक प्रकाश सापकोटाले बताए ।
सापकोटाका अनुसार कुखुरा फर्म नजिक पानि खान जाने क्रममा पोखरीको वरिपरी रहेको नाङ्गो बिद्युत तारमा टेक्दा साहलाई करेन्ट लागेको थियो ।
साहको घटना स्थलमा मृत्यू भएको र घटनाको थप अनुसन्धान कार्य भइरहेको प्रहरी नायव उपरिक्षक सापकोटाले बताए ।
