अमेरिकाविरुद्ध बाराका अनिल साहले बनाए अर्धशतक
सिमरा: बाराका अनिलकुमार साहले आईसीसी विश्वकप लिग-२ त्रिकोणात्मक सिरिजमा घरेलु टोली अमेरिकाविरुद्ध अर्धशतक प्रहार गरेका छन् ।
अमेरिकाको डालसस्थित ग्राण्ड प्रेरी रंगशालामा ओपनर साहले अर्धशतक प्रहार गरेका हुन् । अनिलले ५१ बलमा ५० रन बनाएर खेलिरहेका छन् ।
यसैगरी अर्का ओपनर पर्साका आसिफ शेखले पनि अर्धशतक प्रहार गरेका छन् । आसिफले ४६ बलमा ७ चौका र १ छक्कासहित अर्धशतक प्रहार गरेका हुन् । आसिफ ५३ बलमा ५२ रन बनाएर आउट भएका छन् ।
