वीरगन्ज कारागारका ६० जना महिला कैदीबन्दीलाई साडी वितरण
सिमराः छठ पर्वको अवसरमा रुंगटा वेलफेयर सोसाइटीले सोमबार वीरगन्ज कारागारमा रहेका महिला कैदीबन्दीहरुलाई साडीलगायतका सामग्री वितरण गरेको छ ।
सोसाइटीले कारागारका ६० जना महिला कैदीबन्दीहरुलाई जनही एक थान साडी र छठको प्रसाद बनाउन चाहिने गँहुको पिठो वितरण गरेको हो ।
कारगारमा आयोजित कार्यक्रममा सोसइटीका कोषाध्यक्ष सुरेश रुंगटाले साडी र पिठो वितरण गरेको ग्रिन सिटी सामुदायिक सेवा केन्द्रका अध्यक्ष जयप्रकाश खेतानले जानकारी दिए ।
रुंगटाको अध्यक्षतामा सम्पन्न कार्यक्रममा सशस्त्र प्रहरी नायब उपरीक्षक प्रकाश पौडेल, प्रहरी निरीक्षकद्वय रमेश तिमिल्सिना र निरोज चौलागाई, वीरगन्ज कारागारका प्रमुख विनय श्रीवास्तव लगायतको उपस्थिती रहेको थियो ।
