१७ क्विन्टल गाँजा सहित एकजना पक्राउ
सिमराः सप्तरी प्रहरीले राजगढ गाउँपालिका–४ बेल्ही चपेना सडक खण्डबाट १७ क्विन्टल ३६ किलो गाँजा सहित एकजनालाई पक्राउ गरेको छ ।
पक्राउ पर्नेमा धनकुटा शहीदभूमि गाउँपालिका–३ का ३३ वर्षीय यमजित राई रहेका छन् ।
इलाका प्रहरी कार्यालय, कल्याणपुरका अनुसार सोमबार राति पत्थरगाढाबाट झुटकीतर्फ जाँदै गरेको टिपर रोकेर चेकजाँच गर्दा बालुवा र गिट्टीले छोपेर लुकाइएको अवस्थामा गाँजा फेला परेको हो । टिपरभित्र ५६ वटा बोरामा गाँजा लुकाएर राखिएको अवस्थामा फेला परेको प्रहरीले जनाएको छ ।
पक्राउ परेका चालकमाथी लागूऔषध सम्बन्धी कसुरमा थप अनुसन्धान भईरहेको र उनलाई आज अदालतमा पेस गरिने प्रहरीले जनाएको छ ।
