वीरगन्जमा एक व्यक्तिको शव फेला
सिमराः वीरगन्जको बाइपासस्थित सडकको पेटीमा एक व्यक्तिको शव फेला परेको छ । वीरगन्जको पानीट्यांकी चोक र होटल भिस्वाको बीचमा शव फेला परेको हो ।
स्थानीयले शव देखेपछि प्रहरीलाई खबर गरेका थिए । स्थानीयले मृतक व्यक्ति राजेश कार्की रहेको उनि लामो समयदेखि मागेर गुजारा टार्दै आएका थिए ।
मृतकको ठेगाना खुलेको छैन । पर्साका प्रहरी प्रवक्ता दीपक भारतीले चिसोका कारण स्वास्थ्यमा समस्या भएर उनिको मृत्यु भएको हुनसक्ने बताए । शवलाई नारायणी उपक्षेत्रीय अस्पतालमा राखिएको छ ।
