वीरगन्जमा कार बिजुलीको पोलमा ठोक्कियो, एक घाइते
सिमराः वीरगञ्जको ओम आश्रम नजिकै बुधवार राती कार दुर्घटना भएको छ । दुर्घटनामा परी कारमा सवार एक घाइते भएका छन् ।
प्रहरीका अनुसार बागमती प्रदेश ०१-०३०च ८६२३ नम्बरको कार ओम आश्रम नजिकै बिजुलीको पोलमा ठोक्किएर दुर्घटना भएको हो । दुर्घटनामा परी कारमा सवार एक व्यक्ति घाइते भएका थिए भने कार चालक फरार रहेका छन् ।
वडा प्रहरी कार्यालय श्रीपुरले घाइतेको उपचार भईरहेको र कार चालकको खोजी भईरहेको जानकारी दिएको छ ।
