महेन्द्रनगर नकआउट फूटबलः जीतपुरसिमरा स्पोर्ट्स क्लब बिजयी
सिमराः रामनगर फूटबल क्लबलाई पराजित गर्दै जीतपुरसिमरा स्पोर्ट्स क्लब महेन्द्रनगर नकआउट फूटबल प्रतियोगिताको क्वाटरफाइनलमा प्रवेश गरेको छ । जीतपुरसिमरा स्पोर्ट्स क्लबले रामनगरलाई टाईब्रेकरमा ३–२ ले पराजित गरेको हो ।
जीतपुरसिमरा १६ स्थित महेन्द्रनगर खेल मैदानमा बिहीबार भएको खेलको निर्धारित समयमा दुवै टिमले १–१ को बराबरी खेलेपछि खेल सिधै टाइब्रेकरमा धकेलिएको थियो ।
टाईब्रेकमा जीतपुरसिमराका लागि सागर लामा, सुहम रुम्बा र रुवेन तामाङले गोल गरे । रामनगरका लागि भने बलिराम चौधरी, जयकान्त चौधरी गर्दा बिशाल चौधरीको प्रहार विपक्षी गोलरक्षक निरज लामाले बचाउ गरेका थिए ।
यसअघि निर्धारित समयमा जीतपुरसिमराका लागि सागर लामा र रामनगरका लागि लक्ष्मी चौधरीले गोल गरेका थिए । खेलको प्लेयर अफ दि म्याच जीतपुरसिमराका गोलरक्षक निरज लामा घोषित भए ।
प्रतियोगिता अन्तर्गत शुक्रबार लेभल अप ११ मकवानपुर र मित्र युवा क्लब डकाहाबीच खेल हुनेछ । महेन्द्रनगर युथ क्लबको आयोजनामा बुधवारदेखि सुरु भएको प्रतियोगिताको विजेताले ५० हजार र उपविजेताले २५ हजार प्राप्त गर्नेछन् । प्रतियोगितामा १४ टिमको सहभागिता रहेको छ ।
