जेवाईसिसि डुमरवाना महेन्द्रनगर नकआउट फूटबलको क्वाटरफाइनलमा प्रवेश
सिमराः योङ ब्वाई शान्ति टोल क्लब औराहलाई फराकिलो गोलअन्तरले पराजित गर्दै जेवाईसिसि डुमरवाना महेन्द्रनगर नकआउट फूटबलको क्वाटरफाइनलमा प्रवेश गरेको छ ।
महेन्द्रनगरस्थित मैदानमा सम्पन्न अन्तिम प्रिक्वाटरफाइनल खेलमा डुमरवानाले औराहलाई ६–१ गोल अन्तरले पराजित गरेको हो ।
प्रतियोगिताको अन्तिम आठमा प्रवेश गरेको डुमरवानाले सेमिफाइन प्रवेशका लागि मंसिर १२ गते आयोजकको ए टिमसंग खेल्नेछ ।
प्रतियोगिता अन्तर्गत मंगलबार ओझेल युवा क्लब टांगियाबस्ती र सिंगोल युवा क्लबबीच खेल हुनेछ । महेन्द्रनगर युथ क्लबको आयोजनामा जारी प्रतियोगिताको विजेताले ५० हजार र उपविजेताले २५ हजार नगद प्राप्त गर्नेछन् ।
