मकवानपुरलाई पन्छाउँदै पिलुवा एफसी सेमिफाइनलमा
सिमराः मकवानपुरको लेभल अप क्लबलाई पराजित गर्दै पिलुवा एफसी महेन्द्रनगर नकआउट फूटबलको सेमिफाइनलमा प्रवेश गरेको छ ।
जीतपुरसिमरा १६ स्थित महेन्द्रनगर खेल मैदानमा बिहीबार भएको खेलमा मकवानपुरलाई ५–१ ले पराजित गर्दै पिलुवा अन्तिम चारमा प्रवेश गरेको हो । पिलुवाका लागि अमित बछारले तीन गोल गर्दै हयाट्रिक गरेका थिए ।
प्रतियोगिता अन्तर्गत शुक्रबार जीतपुरसिमरा स्पोर्ट्स क्लब र डुमरवाना भेट्रान्सबीच खेल हुनेछ । महेन्द्रनगर युथ क्लबको आयोजनामा जारी प्रतियोगिताको विजेताले ५० हजार र उपविजेताले २५ हजार प्राप्त गर्नेछ ।
