युट्युबमा एक लाखले हेरे प्रमोद जख्मीको ‘नाच नाच रे नाच’
सिमराः भोजपुरी गायक प्रमोद जख्मीको स्वर रहेको ‘नाच नाच रे नाच’ बोलको भिडियोलाई युट्युबमा एक लाख जनाले हेरेका छन् । कार्तिक ३० गते धिरुभाई ९०७६ नामक युट्युब च्यानलमा रिलिज गरिएको उक्त भिडियोलाई एक लाख भन्दा बढीले हेरेका हुन् ।
१५ दिनमा उक्त भिडियो एक लाख चार हजार दर्शकले हेरिसकेका छन् भने एक हजार भन्दा बढीले प्रतिक्रिया जनाएका छन् । उक्त गितले यतिबेला टिकटकमा समेत चर्चा बटुलिरहेको छ ।
आमोद गुप्ताको शब्द र दिल्लीका सतेन्द्र जीको संगीत रहेको उक्त भिडियोको निर्देशन अस्विन चौधरीले गरेका हुन् । वीरगन्जमा छायांकन गरिएको भिडियोमा धिरु भाइ र रेविका नेपालीसहितका कलाकारको अभिनय रहेको छ ।
दिल्लीको भिएस रेकड्र्समा रेकर्ड गरिएको उक्त गीतको भिडियोको छायांकन र सम्पादन अजय चौधरीले गरेका हुन् । (तल राखिएको भिडियो हेर्नुस्)
