मोटरसाइकल दुर्घटनामा एकको मृत्यु
सिमराः वीरगन्जमा आइतबार राती मोटरसाइकल दुर्घटना हुँदा एक जनाको मृत्यु भएको छ । मृत्यु हुनेमा पर्सा बहुदरमाई नगरपालिका ९ का जटाशंकर प्रसाद जयसवाल रहेका छन् ।
पावरहाउस–ड्राईपोर्ट सडकखण्डमा मोटरसाइकल दुर्घटना भएको हो । दुर्घटनामा परी मोटरसाइकल चालक जयसवालको घटनास्थलमै मृत्यु भएको पर्साका प्रहरी प्रवक्ता किशोर लम्सालले जानकारी दिएका छन् ।
मोटरसाइकललाई ठक्कर दिएको आशंकामा प्रहरीले दुई वटा भारतीय नम्बरको ट्रकलाई नियन्त्रणमा लिएको छ । प्रवक्ता लम्सालले घटनाको अनुसन्धान भईरहेको जानकारी दिए ।
