दोस्रो वडाध्यक्ष कपमा रमपूर्वा र वीरगन्ज बिजयी
सिमराः कलैया उपमहानगरपालिका वडा नं. २७ मा जारी दोस्रो वडाध्यक्ष कप अन्तर्गत शुक्रबार भएको खेलमा रमपूर्वा र वीरगन्ज बिजयी भएका छन् ।
रमपूर्वाले टांगियाबस्तीलाई १–० गोलले पराजित गरेको हो । रमपुर्वाका लागि अभिजित चौधरीले निर्णायक गोल गरेका थिए ।
यसैगरी दोस्रो खेलमा वीरगन्ज बिजयी भएको छ । कोनिया युथ क्लब वीरगन्जले बैरीया ‘बी’ लाई २–० ले पराजित गरेको हो । वीरगन्जका लागि अफरिद आलम र सुजित चौधरीले गोल गरेका थिए ।
प्रतियोगिता अन्तर्गत शनिबार दुई खेल हुनेछन् । पहिलो खेलमा सगरदिना र सपही भिड्नेछन् भने दोस्रो खेल जेवाईसिसि डुमरवाना र छातापिपराबीच हुनेछ ।
कलैया उपमहानगरपालिका वडा नं. २७ को सहयोग र श्री ब्रम्हबाबा युवा क्लबको आयोजनामा संचालित प्रतियोगितामा १६ टिमको सहभागिता रहेको छ । प्रतियोगिताको विजेताले २५ हजार र उपविजेताले १५ हजार नगद प्राप्त गर्नेछ ।
