सिमरास्थित ईलाका प्रशासन कार्यालय आफ्नै भवनमा सर्दै, दुई दिन सेवा ठप्प हुने
सिमराः सिमरास्थित ईलाका प्रशासन कार्यालयले मंसिर २८ गतेदेखि आफ्नै भवनबाट सेवा प्रदान गर्ने भएको छ । एयरपोर्ट रोडमा रहेको पूरानो ईलाका प्रहरी कार्यालयको भवनबाट ईलाका प्रशासन कार्यालयले सेवा प्रदान गर्न लागेको हो ।
ईलाका प्रशासनको उक्त कार्यालय मंसिर २६ गते स्थानान्तरण गर्न लागिएको छ । जसका लागि प्रशासन कार्यालयले मंसिर २६ र २७ गते कार्यालयको सेवा ठप्प हुने समेत जनाएको छ ।
‘मंसिर २६ गते कार्यालय प्रवेश गर्दैछौं । २७ गतेसम्म सबै तयारी गरेर कार्यालयको सेवा संचालन गर्नेछौं’ कार्यालय प्रमुख तेजराज शर्माले इशिलालेसंग भने ‘सर्वसाधारणले दुःख नपाउनुहोस् भनेर हामीले सूचना जारी गरेका हौं । २८ गतेदेखि कार्यालयले सेवा दिनेछ ।’
