पथलैया नकआउट फूटबलः एभरग्रीन फूटबल क्लब बिजयी
सिमराः पथलैया नकआउट फूटबल प्रतियोगिता अन्तर्गत आइतबार भएको खेलमा एभरग्रीन फूटबल क्लब पथलैया बिजयी भएको छ । गैरी खेल मैदानमा भएको खेलमा एभरग्रीनले रुपान्तरण युवा क्लबलाई २-१ ले पराजित गरेको हो ।
पथलैयाका लागि जेनिश गिरीले दुई गोल गरे । रुपान्तरणका लागि भने दिलकुमार विकले गोल गरेका थिए ।
खेलको १३ औं मिनेटमा रुपान्तरण क्लबले लिएको अग्रता उल्टाउदै एभरग्रीनले जित हात पारेको हो । एभरग्रीनका लागि दुई गोल गरेका जेनिश गिरी प्लेयर अफ दि म्याच घोषित भए ।
प्रतियोगिता अन्तर्गत सोमबार चकरी फूटबल क्लब र बिबिवाईसी निजगढबीच खेल हुने आयोजक दिव्य ज्योती क्लबका कोषाध्यक्ष भूवन थापाले जानकारी दिए ।
पुस ६ गतेसम्म संचालन हुने प्रतियोगिताको विजेताले २५ हजार र उपविजेताले १५ हजार नगद प्राप्त गर्नेछ । जीतपुरसिमरा उपमहानगरपालिका वडा नं. १ को कार्यालयको मुख्य सहयोगमा दिब्य ज्योती युवा क्लबले आयोजना गरेको प्रतियोगितामा १६ टिमको सहभागिता रहनेछ ।
