गढीमाई मेलास्थलमा हतियार सहित एक युवक पक्राउ
सिमराः बाराको गढीमाई मेलास्थलमा हतियार सहित एक युवकलाई प्रहरीले पक्राउ गरेको छ । पक्राउ पर्नेमा बलरा नगरपालिका–६, मिर्जापुरका १८ वर्षीय अमरजितकुमार सहनी (गोलु) रहेका छन् ।
प्रहरी वरिष्ठ नायब निरीक्षक दीपेन्द्र मल्लको नेतृत्वमा खटिएको टोलीले सहनीलाई आइतबार साँझ मेलास्थलमा हतियार देखाउँदै झैझगडा गरिरहेको अवस्थामा नियन्त्रणमा लिएको हो ।
सहनीलाई एक थान चाइनिज पेस्तोल र एक थान नलकटुवा पेस्तोल सहित नियन्त्रणमा लिएको प्रहरी स्रोतले जनाएको छ । घटनाको थप अनुसन्धान भइरहेको प्रहरीले जनाएको छ ।
