पर्वत सेवा समाज न्यूयोर्क अमेरिकाको रक्तदान कार्यक्रम सम्पन्न
अमेरिका: पर्वत सेवा समाज न्यूयोर्क अमेरिकाको आयोजनामा रक्तदान कार्यक्रम सम्पन्न भएको छ । कार्यक्रममा ६२ जनाले रक्तदान गरेका थिए ।
ब्लड डोनर्स न्यूयोर्कको प्राविधिक सहयोगमा रक्तदान कार्यक्रम सम्पन भएको हो । बिभिन्न सामाजिक कार्यमा सक्रिय रहदै आईरहेको सामाजिक संस्था पर्वत सेवा समाज न्यूयोर्क अमेरिकाले पहिलो पटक रक्तदान कार्यक्रम आयोजना गरेको संयोजक बिशाल रेग्मीले बताए ।
पर्वतमा जन्मेर अमेरिकामा बसोबास गर्दै आएका पर्वतेलिहरुको साझा संस्था हो पर्वत सेवा समाज । समाजले प्रवासमा मात्र नभएर जिल्लामा हुने विपद्का समयमा समेत सहयोग गर्दै आएको छ ।
पर्वतको कुश्मा नगरपालिका सामाजिक विकास समितिका संयोजक एवम् वडा नम्बर ६ का वडाध्यक्ष ईश्वर गिरीको प्रमुख आतिथ्यतामा कार्यक्रम सम्पन्न भएको हो । कार्यक्रममा बोल्दै गिरीले प्रवासमा पर्वत सेवा समाजले गरेको कार्य सराहनिय रहेको बताए ।
कार्यक्रममा समाजका अध्यक्ष सूर्य पौडेल, महासचिव प्रकाश शर्मालगायत सहभागी थिए ।
