भरतपुर ओपन च्याम्पियनसिप खेल्न जाने लायन्स तेक्वान्दो डोजाङका खेलाडीलाई बिदाई
सिमराः भरतपुरमा हुन लागेको ओपन तेक्वान्दो च्याम्पियनशिपमा सहभागी जनाउने लायन्स तेक्वान्दो डोजाङका खेलाडी र प्रशिक्षकलाई बुधबार बिदाई गरिएको छ ।
नेपाल तेक्वान्दो संघ मधेश प्रदेशका महासचिव राजकुमार लामा, नागेन्द्र चौधरीलगायतले खेलाडी र प्रशिक्षक सन्तोष गिरीलाई सिमराबाट बिदाई गरेका हुन् ।
पुस ४ देखि ६ गतेसम्म भरतपुरमा प्रथम ओपन तेक्वान्दो च्याम्पियनसिप हुँदैछ । भरतपुर उपमहानगरपालिकाको नगर खेलकुद विकास समितिको आयोजना र नेपाल तेक्वान्दो संघको प्राविधिक सहयोगमा प्रतियोगिता हुन लागेको उक्त प्रतियोगितामा लायन्स तेक्वान्दो डोजाङका १५ जना भन्दा बढी खेलाडी सहभागी छन् ।
