अमलेखगञ्जमा आयोजित रक्तदान कार्यक्रममा ८४ जनाले गरे रगतदान
अमलेखगञ्ज: तमु क्लबद्वारा शनिबार अमलेखगञ्जमा आयोजित रक्तदान कार्यक्रममा ८४ जनाले रगतदान गरेका छन् । तमु ल्होसार पर्वको अवसर पारेर आयोजित कार्यक्रममा १७ महिलासहित ८४ जनाले रगतदान गरेका हुन् ।
कार्यक्रममा जीतपुरसिमरा उपमहानगरपालिका वडा नं. २१ का वडाध्यक्ष सुवास श्रेष्ठ, ईलाका प्रहरी कार्यालय अमलेखगञ्जका प्रहरी वरिष्ठ नायब निरीक्षक टेकबहादुर कार्की, लोकतान्त्रिक तमु संघका केन्द्रीय सदस्य केन्द्र गुरुङ, मनकामना बचत तथा ऋण सहकारी संस्थाका अध्यक्ष सुवास श्रेष्ठ, नेकपा एकीकृत समाजवादीका युवा नेता विकास साहलगायतले रगत दान गरेका थिए ।
नेपाल रेडक्रस सोसाइटी वीरगन्जको प्राविधिक सहयोगमा आयोजित कार्यक्रमलाई लायन्स क्लब अफ अमलेखगञ्ज, मनकामना साकोस, अनमोल साकोस, लायन क्लबका जोन चेयर पर्सन विनय साह, कार्की अस्पतालका अक्कल बहादुर कार्कीलगायतले सहयोग गरेका थिए ।
तमु क्लबका अध्यक्ष नरेश गुरुङको अध्यक्षतामा सम्पन्न कार्यक्रममा अनमोल साकोसका अध्यक्ष एवम् लायन्स क्लबका जोन चेयर पर्सन साह, नेपाल राष्ट्रिय माध्यमिक विद्यालयका सहायक प्रध्यानाध्यापक रोहित बहादुर घिसिङलगायतको उपस्थिति रहेको थियो । कार्यक्रममा तमु क्लबका संस्थापक उपाध्यक्ष निरन गुरुङ शुभकामना मन्तव्य राखेका थिए ।
तमु ल्होसार पर्वको अवसरमा तमु क्लब अमलेखगञ्जले प्रत्येक वर्ष रक्तदान कार्यक्रमको आयोजना गर्दै आएको छ ।
