नेपाल रेडक्रस सोसाइटी सपहीको १२औं साधारणसभा सम्पन्न
श्रीराम साह
कोल्हबी: नेपाल रेडक्रस सोसाइटी सपही उपशाखाको १२औं वार्षिक साधारणसभा शनिबार सम्पन्न भएको छ । कोल्हबी नगरपालिका ४ प्रगतिनगरस्थित महिला भवनमा सम्पन्न भएको हो ।
उपशाखाकी सभापति इन्दिरा देवकोटाको सभापतित्व तथा वडा नं. ४ का वडाध्यक्ष विष्णुप्रसाद मैनालीको प्रमुख आतिथ्यतामा सम्पन्न कार्यक्रममा नेपाल रेडक्रस सोसाइटी बाराका कोषाध्यक्ष उदय नेपाल, उपकोषाध्यक्ष रामकुमार उप्रेती, वडा नं. ४ का वडासदस्य शम्भुप्रसाद चौधरी, उर्मिला चौधरी, देवकान्त चौधरी, पूर्वसभापति पोतमाया लामिछाने, सुमित्रा गिरी, गणेशप्रसाद मैनाली, वोधराज सुवेदीलगायतको उपस्थिती रहेको थियो ।
कार्यक्रममा प्रमुख अतिथि मैनालीले रेडक्रस मानवीय सेवा गर्ने संस्था भएकोले रेडक्रस उपशाखालाई आवश्यक सहयोग गर्ने बताए । यसैगरी सभापति देवकोटाले उपशाखाको आफ्नो कार्यालय भवन नभएकाले नगरपालिकाको तर्फबाट जग्गा उपलब्ध गराईदिन वडाध्यक्ष मैनालीलाई आग्रह गरिन् ।
कार्यक्रमको सहजीकरण उपशाखाका सचिव महेन्द्रप्रसाद देवकोटाले गरेका थिए ।
