ईलाका प्रहरी कार्यालय सिमरामा महिला डिएसपी आउँदै, दाहालको सरुवा
सिमराः ईलाका प्रहरी कार्यालय सिमरामा पहिलो पटक महिला डिएसपी आउने भएकी छिन् । नेपाल प्रहरी प्रधान कार्यालयले प्रहरी नायब उपरीक्षक (डिएसपी) सुभद्रा वाइबालाई सिमरा पठाउन लागेको हो ।
सिमरामा कार्यरत डिएसपी चिरञ्जीवी दाहालको स्थानमा प्रहरी प्रधान कार्यालयले वाइबालाई सिमरा पठाउन लागेको हो । प्रहरी महानिरीक्षक बसन्त कुँवरले पाँच जना डिएसपीको काज सरुवा गर्ने निर्णय गरेका थिए । सो क्रममा प्रहरी महानिरीक्षक कुँवरले वाइबालाई सिमरा पठाउन लागेका हुन् ।
सिमराका डिएसपी दाहाल १० महिना अघि सिमरा आएका थिए । उनको अवधी बाँकी रहँदै प्रधान कार्यालयले अर्को डिएसपी पठाउँन लागेको हो ।
