‘कुमारी परिवार सुरक्षा बचत’ खाता खोलेका रिमाल परिवारले पाए बीमा सुविधावापत एक लाख
सिमराः कुमारी बैंक निजगढ शाखाले घातक रोग बीमावापत जीतपुरसिमरा उपमहानगरपालिका १८ बडहर्वाका एक परिवारलाई एक लाखको चेक हस्तान्तरण गरेको छ । ‘कुमारी परिवार सुरक्षा बचत’ खाता संचालन गर्दा स्वतः प्राप्त हुने घातक रोग बीमाको उक्त रकम बैंकले हस्तान्तरण गरेको हो ।
बैंकका निजगढ शाखा प्रवन्धक अनिल नेपाल र अपरेशन इन्चार्ज बद्रीप्रसाद बोगटीले घरमै पुगेर बडहर्वाकी कमला रिमाललाई चेक हस्तान्तरण गरेका थिए । कमलाका श्रीमान् क्यान्सरबाट पीडित छन् ।
कमलाले दुई वर्षअघि ‘कुमारी परिवार सुरक्षा बचत’ खाता खोलेकी थिईन् । कमलाले उक्त खाता खोल्दा उनको श्रीमानको समेत घातक रोग बीमा स्वतः भएको थियो । सोही सुविधावापत कमलाले एक लाखको चेक पाएकी हुन् ।
बैंकले दुई वर्ष अघि दिएको उक्त सुविधा अहिले भने केही परिमार्जन गरेको छ । सो समयमा परिवार सुरक्षा बचत खाता संचालन गर्ने व्यक्तिका श्रीमानश्रीमती दुवैलाई बैंकले घातक रोग बीमा सुविधा दिदै आएको थियो । अहिले भने खाता संचालकले मात्रै उक्त सुविधा पाउछन् । अन्य सुविधा यथावत नै छ ।
बैंकका प्रवन्धक नेपालका अनुसार कुमारी परिवार सुरक्षा बचत खाता खोल्दा श्रीमान् श्रीमतीले १०/१० लाख र १६ वर्ष भन्दा कम उमेरका दुई सन्तानले दुई/दुई लाखको दुर्घटना बीमा, परिवारका चार जना सदस्यले एक लाखको स्वास्थ्य बीमा र खाता संचालकले घातक रोगवापत एक लाखको बीमा सुविधा स्वतः पाउनेछन् ।
कुमारी बैंकमा १० हजार न्युनतम बचत राखेर उक्त खाता संचालन गर्न सकिन्छ । एकपटक खाता संचालन गरेपछि सेवाग्राहीको परिवारले २६ लाख बराबरको बीमा सुविधा प्राप्त गर्नेछन् ।
