जीतपुरसिमरा ६ नगौलमा शनिबार नि:शुल्क आँखा परिक्षण शिविर हुँदै
सिमरा: जीतपुरसिमरा उपमहानगरपालिका ६ नगौलमा शनिबार नि:शुल्क आँखा परिक्षण शिविर हुने भएको छ ।
नगौलस्थित आधारभूत विद्यालयमा बिहान १० बजेदेखी शिविर सुरु हुनेछ । शिविरमा आँखा परिक्षणका क्रममा मोतियाबिन्दुको समस्या देखिएका बिरामीको नि:शुल्क शल्यक्रिया गरिने वडाध्यक्ष कैमुदिन अंसारीले बताए ।
आर एम केडिया आँखा अस्पतालको प्राविधिक सहयोग र जीतपुरसिमरा उपमहानगरपालिका वडा नं. ६ को समन्वयमा शिविर हुन लागेको हो । सहयात्री युवा समाज जीतपुर र नेपाल नेत्र ज्योति संघले समेत शिविर संचालनका लागि सहयोग गर्नेछन् ।
