जय ट्रफी एलिट कपः आर्मीविरुद्ध ललितले लिए सात विकेट
वीरगन्जः जय ट्रफी एलिट कप क्रिकेट प्रतियोगिता अन्तर्गत पहिलो दिनको खेलमा नेपाल पुलिस क्लबका ललित राजवंशीले नेपाल आर्मीविरुद्ध सात विकेट लिएका छन् । नारायणी क्रिकेट रंगशालामा टस हारेर ब्याटिङ गरेको आर्मीविरुद्ध उत्कृष्ट बलिङ गर्दै ललितले सात विकेट लिएका हुन् ।
आर्मीका ओपनर सन्तोष कार्कीलाई एक र सोमपाल कार्मीलाई पाँच रनमै पेभेलियन फर्काएका ललितले अन्य पाँच खेलाडीलाई चल्न दिएनन् । ललितले आर्मीका त्रितराज राजलाई शून्य, बशिर अहमदलाई १२, विवेक यादवलाई शून्य, साहब आलमलाई ११ र आकाश चन्दलाई शून्यमा आउट गरे ।
ललितले १४.४ ओभर बलिङ गरेर सात विकेट लिएका हुन् । ललितको कसिलो बलिङसंगै आर्मीले १० विकेट गुमाएर एक सय २१ रन जोडेको छ । पुलिस केही बेरमा ब्याटिङमा उत्रनेछ ।
