जय ट्रफी एलिट कपः १०२ रनमै समेटियो मधेश, सन्दीपले लिए पाँच विकेट
जनकपुरः जय ट्रफी मेन्स एलिट कप क्रिकेट प्रतियोगिता अन्तर्गत जनकपुरमा भईरहेको खेलमा मधेश प्रदेशले बागमतीविरुद्ध एक सय दुई रन जोडेको छ । रामजानकी मल्टिपर्पोज रंगशालामा टस जितेर ब्याटिङ गरेको मधेशले ३५.३ ओभरमा सबै विकेट गुमाएर एक सय दुई रन जोडेको हो ।
मधेशका मयन यादवले २१, विशाल पटेलले १६, निरज यादवले १२, अभिषेक तिवारीले ११ र हिमांशु दत्तले १० रन बनाउँदा अन्य ब्याटर चल्न सकेनन् ।
बागमतीका कप्तान सन्दीप लामिछानेले पाँच विकेट लिए । यसैगरी सूर्य तामाङ तीन र प्रतिश जिसिले एक विकेट लिए । बागमतीले मधेशविरुद्ध केही बेरमा ब्याटिङ गर्नेछ ।
यो पढ्नुहोस्ः
