जय ट्रफी एलिट कपः १२५ रनमै रोकियो पुलिस, आलमले लिए आठ विकेट
सिमरा: जय ट्रफी मेन्स एलिट कप अन्तर्गत वीरगन्जमा भइरहेको खेलमा नेपाल पुलिस क्लब १२५ रनमै रोकिएको छ । पहिलो इनिङको समाप्तिमा पुलिसले आर्मीविरुद्ध चार रनको अग्रता लिएको छ ।
पुलिसले ३३.१ ओभरमा १० विकेट गुमाउँदै एक सय २५ रन जोडेको हो । पुलिसका गुल्शन झा अर्धशतक बनाउन तीन रनले चुकेका छन् । उनलाई ४७ रनको स्थितिमा साहब आलमले आउट गरेका छन् ।
आर्मीका साहब आलमले घातक बलिङ गर्दै आठ विकेट लिएका छन् । उनले १५.१ ओभरमा ५९ रन खर्चिएर आठ विकेट हात पारेका हुन ।
यसअघि आर्मीले पहिलो इनिङमा एक सय २१ रन जोडेको थियो । आर्मीले दोस्रो इनिङको खेल सुरु गरेको छ ।
यो पढ्नुहोस्:
