अत्यधिक चिसोका कारण जीतपुरसिमरा भित्रका विद्यालयमा दुई दिन बिदा
सिमराः बाक्लो हुस्सु र शितलहर बढेपछि जीतपुरसिमरा उपमहानगरपालिकाले सामुदायिक तथा संस्थागत विद्यालयमा बिदा दिएको छ । चिसो अत्यधिक बढेपछि उपमहानगर अन्तर्गतका विद्यालयमा उपमहानगरपालिकाले पुष २४ र २५ गतेका लागि बिदा दिएको हो ।
शिक्षा अधिकृत हरिशप्रसाद भट्टले सूचना जारी गरेर चिसोका कारण विद्यार्थीको स्वास्थ्यमा पर्ने प्रतिकूल प्रभावलाई ध्यानमा राख्दै विद्यालयमा विदा दिएको जनाएका छन् । भट्टका अनुसार वर्षे बिदाबाट कट्टा हुने गरी बिदा दिइएको हो ।
