जय ट्रफीः पुलिसविरुद्ध १२९ रनमै समेटियो मधेश प्रदेश
वीरगन्जः जय ट्रफी मेन्स एलिट कप क्रिकेट प्रतियोगिता अन्तर्गत वीरगन्जमा जारी दोस्रो खेलमा मधेश प्रदेश एक सय २९ रनमै समेटिएको छ । नेपाल पुलिस क्लबविरुद्ध मधेशले ४२.४ ओभरमा आफ्नो सम्पूर्ण विकेट गुमाएर एक सय २९ रन जोडेको छ ।
नारायणी क्रिकेट रंगशालामा टस हारेर ब्याटिङ गर्न आएको मधेशले पुलिसविरुद्ध खुलेर खेल्न सकेन । मधेशका मयन यादव र निरज यादवबाहेक अन्य ब्याटर चल्न सकेनन् ।
मयनले पुलिसविरुद्ध अर्धशतक प्रहार गरेका छन् । उनले एक सय दुई बलमा पाँच चौका र दुई छक्का प्रहार गर्दै ५९ रन बनाएका हुन् । उनी ३५.४ ओभरमा गुलशन झाको बलमा सरवन यादवद्धारा क्याच आउट भए ।
मधेशका निरज यादवले २९ र अभिषेक तिवारीले अविजित १७ रन बनाउँदा अन्य ब्याटरले दोहोरो संख्यामा रन बनाउन सकेनन् ।
पुलिसका गुलशन झाले पाँच विकेट लिए । यसैगरी कुशल भुर्तेलले दुई विकेट लिदाँ सरवन यादव र ललित राजवंशीले एक/एक विकेट हात पारे ।
