एसईई २०८१ को परीक्षा तालिका सार्वजनिक
सिमरा: परीक्षा नियन्त्रण कार्यालय सानोठिमी भक्तपुरले २०८१ सालको एसईई परीक्षाको तालिका सार्वजनिक गरेको छ ।
राष्ट्रिय परीक्षा बोर्डले सूचना जारी गर्दै चैत ७ गतेबाट सुरु हुने परीक्षा १९ गतेसम्म सञ्चालन हुने जनाएको हो । बिहान ८ बजेदेखि ११ बजेसम्म चल्ने परीक्षा पहिलो दिन अङ्ग्रेजी, दोस्रो दिन नेपाली, तेस्रोमा गणित, चौथो दिन विज्ञान विषयको परीक्षा हुनेछ ।
त्यस्तै पाँचौँ दिन अनिवार्य सामाजिक, छैटौँ दिन ऐच्छिक प्रथम, सातौँ दिन ऐच्छिक द्वितीय पत्रका विषयहरूको परीक्षा हुनेछ ।
