खाल्डोमा मोटरसाइकल खस्दा एकको मृत्यु, घाइतेको अवस्था गम्भीर
सिमराः पर्साको पटेर्वासुगौली गाउँपालिकामा मोटरसाइकल दुर्घटना हुँदा एक जनाको मृत्यु भएको छ । दुर्घटनामा घाईते अर्का एकजनाको अवस्था गम्भीर रहेको छ ।
मृत्यु हुनेमा सखुवाप्रसौनी गाउपालिका वडा २ जमुनियाका २३ बर्षीय सुदर्शन चौधरी रहेका छन् । घाईते हुनेमा सोहि स्थानका २४ बर्षीय दिपेन्द्र राय थारु रहेका छन् ।
ईलाका प्रहरी कार्यालय पटेर्वासुगौलीका प्रहरी निरीक्षक प्रकाश थापाका अनुसार सुगौलि गाउँपालिका ४ कर्वोला चौक स्थित ह्युम पाइप राख्न खनिएको खाल्डोमा मोटरसाईकल खस्दा दुवैजना घाईते भएका थिए । पथरैयाबाट श्रीपुर पंचगावातर्फ जादैं गरेको ना २८ प ३८१९ नम्बरको मोटरसाइकल मंगलबार राति खाल्डोमा खस्दा दुर्घटना भएको प्रहरीले जनाएको छ ।
घाईते दुवैजनालाई वीरगञ्ज स्थित एल एस न्यूरो अस्पतालमा उपचारका लागि पुर्याइएको थियो । उपचारको क्रममा सुदर्शनको निधन भएको प्रहरी निरीक्षक थापाले जानकारी दिए । घाईते भएका दीपेन्द्रको अवस्थामा गम्भीर रहेको प्रहरीले जनाएको छ ।
