पर्सामा गोठभित्र आगलागीबाट दर्जनौ पशुचौपायाको मृत्यु
सिमराः पर्साको जिराभवानी गाउँपालिका ५ स्थित शंकरशरैयामा मंगलबार राति एक स्थानियको गोठमा आगलागी भएको छ ।
आगलागीबाट स्थानीय लालबहादुर दासका करिब दुई दर्जन खसीबाख्रा मरेको वडाध्यक्ष दारासिंह राउतले जानकारी दिए । बाख्रालाई चिसोबाट बचाउन खोर नजिकै बालेको घुर सल्किएर आगलागी हुँदा २ दर्जन खसीबाख्रा मरेको राउतले बताए ।आगलागीबाट मानवीय क्षति भने भएको छैन ।
जिल्ला प्रहरी कार्यालय पर्साका अनुसार आगोमा जलेर १० वटा बाख्रा र ८ वटा बोका मरेका छन् । आगलागीबाट दुई लाख ५० हजार रुपैयाँ बराबरको क्षति भएको छ ।
यसबारे प्रहरीले आवश्यक अनुसन्धान गरीरहेको छ ।
