महोत्तरीमा एक युवकको शव फेला, हत्याको आशंका
महोत्तरीः महोत्तरीमा मंगलबार एक युवकको शव फेला परेको छ । महोत्तरीको सोनमा गाउँपालिका २ का २९ वर्षीय ज्ञानु यादवको शव गहुँ खेतमा फेला हो ।
सोमबार साँझदेखि हराइरहेका उनी मरछर टोलदेखि सोनमा गाउँ जाने बाटोमा गहुँ खेतमा मृत अवस्थामा भेटिएको जिल्ला प्रहरी कार्यालय महोत्तरीका प्रहरी निरीक्षक नन्दकुमार चौहानले बताए । आज बिहान स्थानीयले शव देखेपछि प्रहरीलाई खबर गरेको थिए ।
मृतकको शरीरमा निलडाम रहेकोे छ । घाँटी थिचेर उनको हत्या गरिएको हुनसक्ने प्रहरीले अनुमान गरेको छ । घटनास्थलमा अनुसन्धानको लागि तालिम प्राप्त कुकुरको टोलीसमेत पठाइएको चौहाने जानकारी दिए ।
शवलाई शल्यपरिक्षणका लागि प्रादेशिक अस्पताल जलेश्वरमा पठाइएको र घटनाको थप अनुसन्धान भईरहेको प्रहरीले जनाएको छ ।
