महाशिवरात्रीमा अमलेखगञ्जको किरातेश्वर महादेव मन्दिरको उद्घाटन
सिमराः बाराको जीतपुरसिमरा उपमहानगरपालिका २१ स्थित अमलेखगञ्जमा बुधवार किरातेश्वर महादेव मन्दिरको उद्घाटन गरिएको छ । वडा कार्यालय र स्थानीयको सहयोगमा निर्माण गरिएको मन्दिरको वडाध्यक्ष सुवास श्रेष्ठले उद्घाटन गरेका हुन् ।
धार्मिक विधि अनुसार पूजा गरि उद्घाटन गरिएको मन्दिर करिब १२ लाखमा निर्माण भएको हो । मन्दिर निर्माणका लागि जीतपुरसिमरा उमपहानगरपालिका वडा नं. २१ को कार्यालयले आर्थिक वर्ष २०८०।८१ को बजेटबाट पाँच लाख उपलब्ध गराएको थियो भने स्थानीय स्तरबाट सात लाख सहयोग संकलन भएको थियो ।
मन्दिर उद्घाटन कार्यक्रममा जीतपुरसिमरा २१ का जनप्रतिनिधिसहित ईलाका प्रहरी कार्यालय अमलेखगञ्जका प्रहरी वरिष्ठ नायब निरीक्षक टेकबहादुर कार्की, मन्दिर निर्माण उपभोक्ता समितिका अध्यक्ष बटुककुमार कार्की, युवा अगुवा विनय साह, विकास साह, सुवास श्रेष्ठ, विकास श्रेष्ठलगायत उपस्थित थिए ।
