वीरगन्ज गोल्डकपः साविक विजेता पुलिस सेमिफाइनलमा प्रवेश


eShilalekh

१९ फाल्गुन २०८१, सोमबार २१:१०

वीरगन्जः साविक विजेता नेपाल पुलिस क्लब वीरगन्ज गोल्डकपको सेमिफाइनलमा प्रवेश गरेको छ । आदर्शनगर रंगशालामा सोमबार भएको तेस्रो क्वाटरफाइनल खेलमा बागमती युथ क्लब सर्लाहलाई २–१ ले पराजित गर्दै पुलिस अन्तिम चारमा प्रवेश गरेको हो ।

पुलिसको जीतमा मनिष सेढाईं र उज्ज्वल राईले समान एक/एक गोल गरेका थिए । बागमतीका लागि भुपाल मगरले एक गोल फर्काएपनि टिमको हार टार्न सकेनन् ।

पुलिसका कप्तान रामचन्द्र वाजी प्लेयर अफ दि म्याच घोषित भए । उनले १० हजार नगद प्राप्त गरे ।

प्रतियोगिता अन्तर्गत मंगलबार मछिन्द्र फूटबल क्लब र चर्च ब्वाईज युनाईटेड क्लबबीच खेल हुनेछ । मछिन्द्रले सोमबार राती दशरथ रंगशालामा सम्पन्न फाइनल खेलमा त्रिभूवन आर्मी क्लबलाई २–० ले पराजित गर्दै तेस्रो पटक केपी ओली कप जितेको छ ।

प्रतिक्रिया दिनुहोस्