यस्तो छ प्रेस चौतारी नेपालको केन्द्रीय कमिटीमा मधेस प्रदेशको प्रतिनिधित्व
सिमराः नयाँ नेतृत्व चयनसंगै प्रेस चौतारी नेपालको १०औं राष्ट्रिय महाविधेशन सम्पन्न भएको छ । विराटनगरमा सम्पन्न महाधिवेशनले गणेश पाण्डेको नेतृत्वमा नयाँ कार्यसमिति चयन गरेको हो ।
कार्यसमितिको उपाध्यक्षमा चेतन अधिकारी, महिला उपाध्यक्षमा कृपा भण्डारी, महासचिवमा हिरामान लामा, उपमहासचिवमा हरिबल्लभ नेपाल चयन भएका छन् । यसैगरी ९ सदस्यीय पदाधिकारीको सचिवमा विष्णु तारुके, प्रदीप आचार्य, बिक्रम लुईटेल र नरेश भण्डारीलाई चयन गरिएको छ ।
नयाँ कार्यसमितिमा मधेस प्रदेशको प्रतिनिधित्व
गणेश पाण्डेको नेतृत्वमा चयन गरिएको प्रेस चौतारी नेपालको केन्द्रीय कमिटीमा मधेस प्रदेशको उत्साह जनक उपस्थिति देखिएको छ । केन्द्रीय कमिटीमा मधेस प्रदेशबाट १४ जना सदस्यमा चयन भएका छन् भने दुई जना आयोगको सदस्यमा चुनिएका छन् ।
महाधिवेशनले अच्युत पौडेललाई केन्द्रीय सदस्यसहित प्रदेश इन्चार्ज तोकेको छ । यसैगरी केन्द्रीय सदस्यमा बाराबाट रमेश सुवेदी, इन्दीप कोइराला, रौतहटबाट रमेश तिमिल्सिना, उत्तमकुमार उपाध्याय, प्रेमचन्द्र झा, सर्लाहीबाट रिना आले, बख्तियार अलि, महोत्तरीबाट सुनिता कुमारी, धनुषाबाट धर्बेन्द्र झा, अवधेस कामत, प्रवीण साह, ज्योती झा र सप्तरीबाट खगेन्द्र कार्की चयन भएका छन् ।
यसैगरी नीति अनुसन्धान आयोगमा बाराका बेद भट्ट र लेखा आयोगमा अफरोज अर्पणलाई चयन गरिएको छ ।
