पत्रकार महासंघ बाराका अध्यक्ष सुवेदीलाई पितृशोक
सिमराः प्रेस चौतारी नेपालका केन्द्रीय सदस्य एवम् नेपाल पत्रकार महासंघ बाराका अध्यक्ष रमेश सुवेदीलाई पितृशोक परेको छ । सुवेदीका पिता ज्ञानबहादुर सुवेदीको बुधवार बिहान निधन भएको हो ।
९० वर्षीय सुवेदी केही दिनदेखि अस्वस्थ थिए । उनको प्रादेशिक अस्पताल कलैयामा उपचार भईरहेको थियो । सुवेदीको आजै दिउँसो १ बजे कलैयास्थित बघवन पसाहा खोलामा अन्तिम संस्कार गरिने भएको छ ।
सुवेदीको निधनप्रति प्रेस चौतारी नेपाल मधेस प्रदेश कमिटी र प्रेस चौतारी नेपाल बाराले दुःख व्यक्त गरेको छ । प्रेस चौतारी नेपाल मधेस प्रदेशका महासचिव दिवाकर भण्डारी र बाराका अध्यक्ष थानेश्वर सापकोटाले सुवेदीको निधनप्रति दुःख व्यक्त गरेका हुन् ।
