एक सय ५० किलो लागूऔषध गाँजासहित चार जना पक्राउ
सिमराः बारा प्रहरीले बुधवार बिहान एक सय ५० किलो लागूऔषध गाँजासहित चार जनालाई पक्राउ गरेको छ ।
पक्राउ पर्नेमा बाराको जीतपुरसिमरा उपमहानगरपालिका २२ चकरीका ४२ वर्षीय बुद्ध घलान, वडा नम्वर ८ का ३६ वर्षीय नन्दकिशोर सहनी, सोही ठाउँ बस्ने २८ वर्षीय बीरबहादुर डम्वा र हेटौंडा १५ रातोमाटेका २७ वर्षीय सोमलाल पाख्रिन रहेको बारा प्रहरीले जनाएको छ ।
ईलाका प्रहरी कार्यालय सिमरा र लागूऔषध नियन्त्रण ब्युरो, शाखा कार्यालय वीरगंज पर्साबाट खटिएको संयुक्त टोलीले उनिहरुलाई रतनपुरबाट बकुलियातर्फ जाने क्रममा पक्राउ गरेको हो ।
गाँजासहित उनिहरुलाई नियन्त्रणमा लिई थप अनुसन्धान भइरहेको प्रहरीले जनाएको छ ।
