टाँडीमा खुल्यो यूआर अटोमेटिक लण्ड्रीको संकलन केन्द्र
सिमराः यूआर अटोमेटिक लण्ड्रीले चितवनको रत्ननगर नगरपालिका १ सौराह चोकमा संकलन केन्द्र संचालनमा ल्याएको छ ।
सिमराबाट केही महिनाअघि पर्यटकीय नगरी सौराहमा सेवा विस्तार गरेको लण्ड्रीले टाँडी बजारमा संकलन केन्द्र स्थापना गरेको हो । केन्द्रको पूर्वी चितवन पत्रकार मञ्चका अध्यक्ष होमनाथ सापकोटाले उद्घाटन गरेका थिए ।
गत असोजदेखि सौराहमा सेवा दिँदै आएको लण्ड्रीले अब टाँडी र आसपासका क्षेत्रलाई लक्षित गरेर संकलन केन्द्र स्थापना गरिएको संचालक उमेश चौलागाईंले बताए । संकलन केन्द्रबाट कपडा संकलन गर्ने र सोही केन्द्रबाट वितरण गरिने चौलागाईंले जानकारी दिए ।
उक्त लण्ड्रीले अहिले टाँडीको संकलन केन्द्रसहित सौराह र सिमराबाट एकैसाथ सेवा दिईरहेको छ । १० वर्ष वैदेशिक रोजगारीमा रहेर नेपाल फर्किएका चौलागाईंले सिमरामा प्रविधियुक्त लण्ड्री संचालनमा ल्याएका थिए ।
उक्त लण्ड्रीबाट राम्रो आम्दानी गरेका चौलागाईंले करिब एक करोडको लगानीमा सौराहमा सेवा विस्तार गरेका हुन् । चौलागाईंले संचालन गरेको लण्ड्रीमा अहिले १५ जनाले रोजगारी पाईरहेका छन् ।
युवा व्यवसायी चौलागाईंले युआर अटोमेटिक मसला चियाको समेत व्यवसाय गर्दै आएका छन् ।
