रौतहटमा नर्सिङ पढ्ने बाराकी छात्रा बाथरुममा मृत अवस्थामा फेला
सिमराः रौतहटमा नर्सिङ पढ्ने एक छात्रा बिहिबार छात्रावासको बाथरुममा मृत फेला परेकी छिन् ।
बाराको विश्रामपुर घर भएकी १८ वर्षीय छात्रा सुमनकुमारी बैठा मृत अवस्थामा फेला परेकी हुन् । रौतहटको माधवनारायण नगरपालिका ३ स्थित गजेन्द्र नारायण स्मृती अस्पतालको होस्टेलको बाथरुममा उनि मृत अवस्थामा फेला परेकी हुन् ।
डिप्लोमा फार्मेसी पहिलो वर्षमा अध्ययनरत बैठा छात्रावासको बाथरुममा पासो लगाई झुन्डिएको अवस्थामा मृत भेटिएको रौतहटका प्रहरी प्रवक्ता एवं प्रहरी नायब उपरीक्षक डिएसपी दीपककुमार रायले जानकारी दिए ।
घटनाको सम्बन्धमा आवश्यक अनुसन्धान भइरहेको र अनुसन्धानपछि मात्र आत्महत्या वा हत्या भन्ने कुरा खुल्ने डिएसपी रायले बताए ।
