कलैयास्थित हनुमान मन्दिरको दान पेटिकाको रकम चोरी
सिमरा: बाराको कलैया उपमहानगरपालिका १ स्थित हनुमान मन्दिरमा रहेको दान पेटिकाको रकम बिहीबार राति चोरी भएको छ ।
बजार क्षेत्रमा रहेको मन्दिरको मुख्य ढोकाको ताला फुटाएर दान पेटिकाको रकम चोरी भएको हो ।
चोरले मन्दिर भित्र रहेको दान पेटिका फुटाएर त्यसभित्र रहेको दान रकम चोरी गरेको छ । चोरी गर्ने व्यक्तिको पहिचान खुल्न बाँकी छ ।
