रौतहटमा आगलागीबाट लाखौंको क्षति, सातवटा पसल जलेर नष्ट
रौतहटः रौतहटको गरुडा नगरपालिका ४ स्थित तरकारी बजारमा शुक्रबार आगालागी हुँदा सात वटा पसलमा क्षति पुगेको छ ।
आगलागीबाट गरुडा ८ जिगडियाका शेख कमाउद्दिनले सञ्चालन गरेको मासु पसलमा एक लाख, जयमंगल चौधरीको खाजा पसलमा दुई लाख, सुजितकुमार चौधरीको खाजा पसलमा तिन लाख ५० हजार, गरुडा ४ का नेवालाल चौरसियाको किराना पसलमा तिन लाख, कृष्ण दासको कपडा पसलमा ५० हजार र कटहरिया ९ डुमरियाका सत्येन्द्र ठाकुरको फलामको पसलमा तीन लाखको क्षति भएको जिल्ला प्रहरी कार्यालय रौतहटका प्रवक्ता एवं डीएसपी दीपक कुमार रायले बताए ।
आगलागीबाट करिब १३ लाख मूल्य बराबरको क्षति भएको प्रहरीको भनाइ छ । पसलमा राखिएको ग्यास सिलिन्डर विस्फोट भएपछि आगोले ठूलो रूप लिएको थियो ।
ईलाका प्रहरी गरुडाका प्रहरी निरीक्षक ओमप्रकाश यादवको कमान्डमा खटिएको प्रहरी टोली र स्थानीयहरूको सहयोगमा करिब डेढ घण्टापछि आगो नियन्त्रणमा आएको प्रहरीले जनाएको छ ।
